tichyasathi vadapaav yashwant ho marathi blog

तिच्यासाठी वडापाव

मराठी वाचन संस्कृती जोपासण्यासाठी मित्रांपर्यंत पोहचवा

वडापाव.
घरात सगळ्यांचा फेव्हरेट.
तसं, पोरांना नाही एवढं कौतुक,
पण माझ्या आठवणीतला मोठा हिस्सा.
मुंबईत शिकायला आलो,
तेव्हा कित्येक रात्री वडापाव वरच गेल्या.
लहानपणीसुद्धा.
दर बुधवारी वाट बघायचो.
आई आठवड्याच्या बाजाराला जायची.
घेवडा, उडीद, लसूण विकायला.
तेवढेच चार पैसे जास्तीचे संसाराला.
येताना हमखास वडापाव आणायची.
लिंबाएवढा.
पेपरात गुंडाळलेला.
2 रुपयाचा.
प्रत्येकाला एक.
चार भावंड.
आमचं खाऊन झालं की, आईकडे बघायचो.
ती पण हसायची,
स्वतःच्या वाट्यातला काढून द्यायची.
चौघांना, थोडाथोडा.
आईला कुठे आवडतो वडापाव?
आमची समजूत.
असं बाहेरून काही आणलं,
की हिस्से व्हायचे.
मी नेहमी आईच्या गटात.
मलाच अर्ध्यापेक्षा जास्त मिळणार.
खात्रीच असायची.
आईला चालतं.
तसंही, असलं काही तिला आवडतचं नाही.
आम्हीच आमचं ठरवलेलं.
मागच्या आठवड्यात पोरीनं विचारलं,
‘आज्जी, तुझी फेव्हरेट डिश कोणती?’
वाटलं पूरणपोळीच असणार.
नक्की माहीत नव्हतंच.
आपण कधी विचारलंच नाही.
मी पण कान टवकारले.
“वडापाव”, आईनं लाजतच सांगितलं.
‘कायss! आज्जीला वडापाव आवडतो?’
आज्जी-नात खळखळून हसल्या.
मी मात्र शांत झालो.
सगळं आठवायला लागलं.
गृहीतच धरलं आईला.
ती पण मन मारतच राहिली.
आमची हौस, मौज पुरवताना,
स्वतःची विसरली.
तिला नाही आवडत असले पदार्थ.
का..? कसं ठरवलं आम्ही?
खाऊच्या डिश बाहेर नेताना,
‘तुला राहिलंय का?’
कधी विचारलंच नाही.
‘बायांना कसली आलीय हौसमौज!
पोरांतच त्यांची आवड.’
गावातल्या मोठ्या आज्या बोलायच्या.
आम्ही तेच मानलं.
‘आज्जी, तुला काय आवडतं?’
असं त्यांनाही नाही विचारलं.
काल ऑफिसबाहेर चहाला जमलेलो.
सदया बऱ्याच दिवसांनी भेटला.
महिन्याभरापूर्वी वडील गेले त्याचे.
आठवणीत रमलेला.
कसं वाढवलं, कसं शिकवलं.
भरभरून बोलत होता.
कटिंग दिली तर नको म्हणाला,
‘वडलांना आवडायचा चहा, सोडलाय त्यांच्यासाठी.’
हातातच राहिला ग्लास.
रात्री विचारातच घरी आलो.
नंतर सोडून काय उपयोग?
अजून आपल्या हातात वेळ आहे.
आज गरमागरम बटाटेवड्यांचा बेत.
मीच बनवलेत.
माझ्या आईसाठी.
पाव नाही जमणार एवढयात.
बाहेरचे नको आता तिला या वयात.
म्हणून फक्त बटाटेवडे.
आज माझ्यातल्या जास्तीचा हिस्सा तिला देईन.
लहानपणी ती मला द्यायची तसाच.

  पुस्तकं वाचण्यासाठी आम्हाला अतिशय उपयुक्त वाटलेलं असं हे BOOK STAND ज्याचा तुम्ही iPad , Mobile किंवा Kindle यातून वाचन करताना सुद्धा उपयोग करू शकता.

वाचकांच्या विनंतीवरून मी पुस्तक वाचण्यासाठी आणि इतर लिखाण किंवा laptop सोयीस्कर रित्या वापरता यावा म्हणून जो टेबल गेली ४-५ वर्ष वापरत आलो आहे त्याची लिंक येथे देत आहे. Click Here.

For Other Products by the same brand Click here

वाचनाच्या आवडीला पूरक असं साहित्य मी वेळो वेळी तुम्हाला सांगत जाईनच.


ashwini survey

अश्विनी सुर्वे

अश्विनी लहानपणापासून वाचन वेडी आहे.. इतकी की भेळ खाल्लेला कागद सुद्धा तिने न वाचता फेकला नाही (अर्थात कचऱ्याच्या डब्यात)!

Facebook Profile

Instagram Profile
 


मराठी वाचन संस्कृती जोपासण्यासाठी मित्रांपर्यंत पोहचवा

  • Reply Megha kulkarni August 14, 2020 at 11:35 am

    खूप सुंदर 👌👌👌
    थोडी भावूक ही झाले…

    • Reply admin August 14, 2020 at 12:19 pm

      धन्यवाद मेघा 🙂
      प्रतिक्रिया देऊन तुमच्या भावना प्रकट केल्याबद्दल आभारी आहे
      लोभ असावा 🙏

  • Reply sheetal gaikwad patil August 14, 2020 at 1:00 pm

    khupch chan dear….

    • Reply admin August 14, 2020 at 1:30 pm

      धन्यवाद शितल 😇 लोभ असावा🙏

  • Reply Manju Kawle August 15, 2020 at 10:05 am

    वाचून मन खूपच भरून आलं हो लहानपणी आपण कसे ना स्वतःच स्वतःच ठरूउन मानून चालत जातो जो पर्यंत मोठे होऊन संसारातील व्यवहाराचे चटके बसत नाही तो पर्यंत मी आणि माझ्यापुरतीच जग या पलीकडे जाऊन विचार करायला आणि जगायला सुरुवात होते लहानपणी आई किंवा बाबांनी आपल्यासाठी आणलेला खाऊ हा त्यांना आवडतच नसेल अस ठरून त्यांच्या पुरता उरलेल्या खाउत सुद्धा आपलीच मालकी आहे आणि ते मलाच मिळणार या तोऱ्यात मिरवतो आणि मिळवतो सुद्धा त्या क्षणी आपल्यासाठी आपल्या जन्मदात्यांनी प्रेमाने आणलेल्या आवडत्या पदार्थाची साधी चव बघ म्हणून एक घास आई किंवा वडिलांना भरऊन द्यावा हे सुद्धा कळत नाही आपल्याला की त्यांनाही ते आवडत असेल आपण फक्त आपला विचार करतो आणि आपले आई वडील मात्र त्यांच्या मुलांचा विचार करू आपल्या आवडी निवडीला विसरून जातात खरच मला वाटते आपण कमविण्यास सक्षम झालो की सर्वप्रथम आपल्या जन्मदात्यांचा आवडी निवडी पूर्ण कराव्यात साहजिकच त्यांना काय आवडत ते तुम्हाला कधीच सांगणार नाही पण ते काय हे शोधून काढणं आपलं आद्य कर्तव्य आहे

    • Reply admin August 15, 2020 at 4:50 pm

      धन्यवाद मंजू

  • Reply Narendra Patil August 15, 2020 at 10:06 am

    एक वडापाव ही एक गोष्ट नाही. ती एक ऐतिहासिक घटना आहे .१९६०-७०जन्मलेल्या प्रत्येकाची .समाजात कितीही तोंड लपवले तरी मनाला लपवू शकत नाही.
    खूपच कमी भाग्यवान असतील ,जे माफीने पावन होतील.

    • Reply admin August 15, 2020 at 4:51 pm

      धन्यवाद नरेंद्र

  • Reply Bapu Sachane August 15, 2020 at 10:07 am

    मनातल्या भावना फार सुंदर व्यक्त केल्या आहेत

    • Reply admin August 15, 2020 at 4:51 pm

      धन्यवाद बापू

  • Reply Saroj Bhattu August 15, 2020 at 10:08 am

    खूप मनाला भिडणारी कथा लिहिली आहे तुम्ही….

    • Reply admin August 15, 2020 at 4:52 pm

      धन्यवाद सरोज

  • Reply कवी विवेक करंजीकर August 15, 2020 at 10:08 am

    वा काय सुंदर लिखाण. अगदी आईची आठवण करून दिली.

    • Reply admin August 15, 2020 at 4:52 pm

      धन्यवाद कवी विवेक

  • Reply Ravindra Gadgil August 15, 2020 at 10:09 am

    व्वा,सुंदर, वडा पाव न देता पूर्ण दिलात,माँ का दिल खूस हुआ।

    • Reply admin August 15, 2020 at 4:53 pm

      धन्यवाद रवींद्र गाडगीळ

  • Reply Rashmi Kulkarni August 15, 2020 at 10:10 am

    किती किती सुंदर लिहिले आहे..
    👌👌

    • Reply admin August 15, 2020 at 4:55 pm

      धन्यवाद रश्मी

  • Reply Nivedita Shirke August 15, 2020 at 12:31 pm

    मोजक्याच शब्दांमधला पण खूप काही सांगणारा लेख ..
    अप्रतिम !!

    • Reply admin August 15, 2020 at 4:47 pm

      धन्यवाद निवेदिता

  • Reply Vinay Naik August 15, 2020 at 2:12 pm

    Mastach!

    • Reply admin August 15, 2020 at 4:47 pm

      धन्यवाद विनय आपला ब्लॉग सब्स्क्राइब कर नक्की

  • Reply Pratik August 15, 2020 at 6:38 pm

    मस्त लिहिलंय यार.. एकदम भारी..👌👌

    • Reply admin August 15, 2020 at 10:26 pm

      धन्यवाद प्रतीक

  • Reply Shweta August 15, 2020 at 7:41 pm

    Massthch… Janiv krun dilyabddl aabhar 😇

    • Reply admin August 15, 2020 at 10:26 pm

      धन्यवाद श्वेता

    Leave a Reply

    Whatsapp करा
    1
    मदत हवी आहे?
    नमस्कार! यशवंतहो.com वर आपलं स्वागत!

    विविध पुस्तकांची माहिती मिळवण्यासाठी 7208-7272-36 हा मोबाईल क्रमांक कृपया सेव्ह करावा.
    Whatsapp Broadcaste द्वारे तुम्हाला सर्वात पहिली अपडेट मिळत राहील. त्यासाठी आम्हाला Whatsapp करा.

    चांगल्या पुस्तकांची ओळख तुमच्यापर्यंत पोहोचविण्यास आम्हाला आनंद होत आहे.
    वाचत रहा,
    धन्यवाद!