tichyasathi vadapaav yashwant ho marathi blog

तिच्यासाठी वडापाव

वडापाव.
घरात सगळ्यांचा फेव्हरेट.
तसं, पोरांना नाही एवढं कौतुक,
पण माझ्या आठवणीतला मोठा हिस्सा.
मुंबईत शिकायला आलो,
तेव्हा कित्येक रात्री वडापाव वरच गेल्या.
लहानपणीसुद्धा.
दर बुधवारी वाट बघायचो.
आई आठवड्याच्या बाजाराला जायची.
घेवडा, उडीद, लसूण विकायला.
तेवढेच चार पैसे जास्तीचे संसाराला.
येताना हमखास वडापाव आणायची.
लिंबाएवढा.
पेपरात गुंडाळलेला.
2 रुपयाचा.
प्रत्येकाला एक.
चार भावंड.
आमचं खाऊन झालं की, आईकडे बघायचो.
ती पण हसायची,
स्वतःच्या वाट्यातला काढून द्यायची.
चौघांना, थोडाथोडा.
आईला कुठे आवडतो वडापाव?
आमची समजूत.
असं बाहेरून काही आणलं,
की हिस्से व्हायचे.
मी नेहमी आईच्या गटात.
मलाच अर्ध्यापेक्षा जास्त मिळणार.
खात्रीच असायची.
आईला चालतं.
तसंही, असलं काही तिला आवडतचं नाही.
आम्हीच आमचं ठरवलेलं.
मागच्या आठवड्यात पोरीनं विचारलं,
‘आज्जी, तुझी फेव्हरेट डिश कोणती?’
वाटलं पूरणपोळीच असणार.
नक्की माहीत नव्हतंच.
आपण कधी विचारलंच नाही.
मी पण कान टवकारले.
“वडापाव”, आईनं लाजतच सांगितलं.
‘कायss! आज्जीला वडापाव आवडतो?’
आज्जी-नात खळखळून हसल्या.
मी मात्र शांत झालो.
सगळं आठवायला लागलं.
गृहीतच धरलं आईला.
ती पण मन मारतच राहिली.
आमची हौस, मौज पुरवताना,
स्वतःची विसरली.
तिला नाही आवडत असले पदार्थ.
का..? कसं ठरवलं आम्ही?
खाऊच्या डिश बाहेर नेताना,
‘तुला राहिलंय का?’
कधी विचारलंच नाही.
‘बायांना कसली आलीय हौसमौज!
पोरांतच त्यांची आवड.’
गावातल्या मोठ्या आज्या बोलायच्या.
आम्ही तेच मानलं.
‘आज्जी, तुला काय आवडतं?’
असं त्यांनाही नाही विचारलं.
काल ऑफिसबाहेर चहाला जमलेलो.
सदया बऱ्याच दिवसांनी भेटला.
महिन्याभरापूर्वी वडील गेले त्याचे.
आठवणीत रमलेला.
कसं वाढवलं, कसं शिकवलं.
भरभरून बोलत होता.
कटिंग दिली तर नको म्हणाला,
‘वडलांना आवडायचा चहा, सोडलाय त्यांच्यासाठी.’
हातातच राहिला ग्लास.
रात्री विचारातच घरी आलो.
नंतर सोडून काय उपयोग?
अजून आपल्या हातात वेळ आहे.
आज गरमागरम बटाटेवड्यांचा बेत.
मीच बनवलेत.
माझ्या आईसाठी.
पाव नाही जमणार एवढयात.
बाहेरचे नको आता तिला या वयात.
म्हणून फक्त बटाटेवडे.
आज माझ्यातल्या जास्तीचा हिस्सा तिला देईन.
लहानपणी ती मला द्यायची तसाच.

  पुस्तकं वाचण्यासाठी आम्हाला अतिशय उपयुक्त वाटलेलं असं हे BOOK STAND ज्याचा तुम्ही iPad , Mobile किंवा Kindle यातून वाचन करताना सुद्धा उपयोग करू शकता.

वाचकांच्या विनंतीवरून मी पुस्तक वाचण्यासाठी आणि इतर लिखाण किंवा laptop सोयीस्कर रित्या वापरता यावा म्हणून जो टेबल गेली ४-५ वर्ष वापरत आलो आहे त्याची लिंक येथे देत आहे. Click Here.

For Other Products by the same brand Click here

वाचनाच्या आवडीला पूरक असं साहित्य मी वेळो वेळी तुम्हाला सांगत जाईनच.


ashwini survey

अश्विनी सुर्वे

अश्विनी लहानपणापासून वाचन वेडी आहे.. इतकी की भेळ खाल्लेला कागद सुद्धा तिने न वाचता फेकला नाही (अर्थात कचऱ्याच्या डब्यात)!

Facebook Profile

Instagram Profile
 

Comments

26 responses to “तिच्यासाठी वडापाव”

  1. Shweta Avatar
    Shweta

    Massthch… Janiv krun dilyabddl aabhar 😇

    1. admin Avatar
      admin

      धन्यवाद श्वेता

  2. Pratik Avatar
    Pratik

    मस्त लिहिलंय यार.. एकदम भारी..👌👌

    1. admin Avatar
      admin

      धन्यवाद प्रतीक

  3. Vinay Naik Avatar
    Vinay Naik

    Mastach!

    1. admin Avatar
      admin

      धन्यवाद विनय आपला ब्लॉग सब्स्क्राइब कर नक्की

  4. Nivedita Shirke Avatar
    Nivedita Shirke

    मोजक्याच शब्दांमधला पण खूप काही सांगणारा लेख ..
    अप्रतिम !!

    1. admin Avatar
      admin

      धन्यवाद निवेदिता

  5. Rashmi Kulkarni Avatar

    किती किती सुंदर लिहिले आहे..
    👌👌

    1. admin Avatar
      admin

      धन्यवाद रश्मी

  6. Ravindra Gadgil Avatar

    व्वा,सुंदर, वडा पाव न देता पूर्ण दिलात,माँ का दिल खूस हुआ।

    1. admin Avatar
      admin

      धन्यवाद रवींद्र गाडगीळ

  7. कवी विवेक करंजीकर Avatar

    वा काय सुंदर लिखाण. अगदी आईची आठवण करून दिली.

    1. admin Avatar
      admin

      धन्यवाद कवी विवेक

  8. Saroj Bhattu Avatar

    खूप मनाला भिडणारी कथा लिहिली आहे तुम्ही….

    1. admin Avatar
      admin

      धन्यवाद सरोज

  9. Bapu Sachane Avatar

    मनातल्या भावना फार सुंदर व्यक्त केल्या आहेत

    1. admin Avatar
      admin

      धन्यवाद बापू

  10. Narendra Patil Avatar

    एक वडापाव ही एक गोष्ट नाही. ती एक ऐतिहासिक घटना आहे .१९६०-७०जन्मलेल्या प्रत्येकाची .समाजात कितीही तोंड लपवले तरी मनाला लपवू शकत नाही.
    खूपच कमी भाग्यवान असतील ,जे माफीने पावन होतील.

    1. admin Avatar
      admin

      धन्यवाद नरेंद्र

  11. Manju Kawle Avatar

    वाचून मन खूपच भरून आलं हो लहानपणी आपण कसे ना स्वतःच स्वतःच ठरूउन मानून चालत जातो जो पर्यंत मोठे होऊन संसारातील व्यवहाराचे चटके बसत नाही तो पर्यंत मी आणि माझ्यापुरतीच जग या पलीकडे जाऊन विचार करायला आणि जगायला सुरुवात होते लहानपणी आई किंवा बाबांनी आपल्यासाठी आणलेला खाऊ हा त्यांना आवडतच नसेल अस ठरून त्यांच्या पुरता उरलेल्या खाउत सुद्धा आपलीच मालकी आहे आणि ते मलाच मिळणार या तोऱ्यात मिरवतो आणि मिळवतो सुद्धा त्या क्षणी आपल्यासाठी आपल्या जन्मदात्यांनी प्रेमाने आणलेल्या आवडत्या पदार्थाची साधी चव बघ म्हणून एक घास आई किंवा वडिलांना भरऊन द्यावा हे सुद्धा कळत नाही आपल्याला की त्यांनाही ते आवडत असेल आपण फक्त आपला विचार करतो आणि आपले आई वडील मात्र त्यांच्या मुलांचा विचार करू आपल्या आवडी निवडीला विसरून जातात खरच मला वाटते आपण कमविण्यास सक्षम झालो की सर्वप्रथम आपल्या जन्मदात्यांचा आवडी निवडी पूर्ण कराव्यात साहजिकच त्यांना काय आवडत ते तुम्हाला कधीच सांगणार नाही पण ते काय हे शोधून काढणं आपलं आद्य कर्तव्य आहे

    1. admin Avatar
      admin

      धन्यवाद मंजू

  12. sheetal gaikwad patil Avatar
    sheetal gaikwad patil

    khupch chan dear….

    1. admin Avatar
      admin

      धन्यवाद शितल 😇 लोभ असावा🙏

  13. Megha kulkarni Avatar
    Megha kulkarni

    खूप सुंदर 👌👌👌
    थोडी भावूक ही झाले…

    1. admin Avatar
      admin

      धन्यवाद मेघा 🙂
      प्रतिक्रिया देऊन तुमच्या भावना प्रकट केल्याबद्दल आभारी आहे
      लोभ असावा 🙏

Leave a Reply to Bapu Sachane Cancel reply

Your email address will not be published. Required fields are marked *